Landako Gunea azokagune bat da, eta bertan, mota guztietako aisialdi-jarduerak eta ikuskizun publikoak antolatzen dira. Horien artean, Durangoko Azoka da aipagarriena.

2003an inauguratu zuten gune hori, eta urtero-urtero makinatxo bat azoka, jaialdi gastronomiko, kultura- eta musika-jaialdi, erakusketa, kontzertu, kirol ekitaldi, eta abar hartzen ditu.

Guztira 4.200 m2 ditu, eta eraikin diafanoa da, zutaberik bakoa, modernoa eta erabilera anitzekoa. Punta-puntako instalazioak ditu, baita zaintzapeko aparkalekua ere, eta bezeroen neurrirako zerbitzu ugari duenez, edozein motatako ekitaldiak ospatzeko aukera ematen du.

Urtero 50.000 bisitaritik gora izaten du.